اخترمحمد

 

واره نمی کنه !

 دکابل د جنګ سالارانو بدنامه او د دسيسو او دوه مخيو اداره چې هيڅ  اسلامي،افغاني او انساني اخلاق يې نه مني  نو د هري ورځي په تېرېدو سره ئې زموږ دمظلوم ولس پر اوږو باندي يو دروند پېټی ايښی دی . په دې فاسده اداره کې د هر عادي کار په خاطر ولس مجبوره دي د هر بېسواده ريئس، مدير او حتی هغو چې ددې ريئسانو اومديرانو سره درشوت خوری بوجۍ نيولي دي او ځانته مجاهد هم وائې ، رشوت ورکړي او ددې په اصطلاح مجاهدينو چې ديوه سره دشمال د جنګ سالارانو د شبکو غړي دي دغه شاني زجر او  ناروا ناز و نخرې ئې  وزغمي .

د دې ادارې مامور د هر کار د اجراء په مقابل کې بلا استثناء يعني د روا ناروا، مشروع او نامشروع، قانوني او ناقانونه، ښځينه او مردانه کارو په مقابل کې رشوت غواړي او هغه د ځان قانوني حق ګڼي  . دغه رشوت دومره عام او عادي خبره ده چې ان خبره دې ته رسېدلې ده چې بايد  خپله ځانګړې لايحه و لري !  اوهر څوک يې بايد بې له جر و بحثه دغه رشوت  و هغوی ته  نه په پټه بلکه بر الا  ان د خلکو په مخکې ورکړي .

وائې  په دې لړ کې تازه  يوه کوم نوی  د رباني دجميعيتانو نه يو ريئس د يوه چا څخه د یوه کار په مقابل کې تر عادي نرخ نه د زياتو روپو رشوت غوښتنه وکړه او پرهغه ئې پافشاري هم کوله . دې کار د کار والا  خښم  را و پاروه او ريئس صاحب ته ئې په لوړ آواز وويل چې :

 و ريئس صاحب به لحاظ خدا آخر يک کمي انصاف خو خوب چيز است ؟

رئيس صاحب په ځواب کې ورته وائې :

به خدا برادر واره نمي کنه !!