|
ا. دريځ کلکه غندنه د متحده ايالتو درنو ولسونو، د متحده ايالاتودسنااوکانګرس درنو غړيو، د متحده ايالاتو ښاغلی ولسمشر، څو ورځې وړاندې په ډيلي کې ستاسې پخواني استازي ( رابېرټ بلېک وېل ) دافغانستان په اړه داسې څه وويل چې ګردو دولتمنځي رښتو او دهېوادونو تېرېتوريال خونديتوب ته ښکاره سپکاوی پکې وشو . دافغانستان پرګنې د ټولو روانوستونځو په ګډون چې بهرنيو ګټواوستراتيژيو پرې تپلي ؛ دغه راز ناوړه اوناولي اټکلونه او وړانديځونه هم کلک غندي او دخپل ملي يووالي پروړاندې يې يوه بله خورا کرغېړنه اوترخه پېرزوينه ګڼي . سره له دې چې افغانان دخپل لرغوني اوګران هېواد دوېش په اړه دغه کرکجنه او دردوونکې وينا ستاسې دسياست څرګندويه نه بولي ، خوداچې هغه مو ديوه ديپلومات له خولې راوتلې ،سخت پرې خواشيني اوزړه بدي شوي دي . هيله ده ديوه سياسي زبرځواک په توګه ، دغه جدي حساسيت ته تر بل هرچا ستاسې هراړخيزه پاملرنه ژرورواوړي اوکلکه غوښتنه کېږي چې ددغې پاروونکې وينا بېزغمه پلټنه وشي . |