|
|
||||||||||||||||||||||||
|
|
||||||||||||||||||||||||
|
||||||||||||||||||||||||
|
تل افغان
د ارواښاد استاد محمد انور نوميالي د جنازې د لمانځه او تدفين له مراسمو وروسته د كندهار پوهنتون په سالون كې يادغونډه وشوه په دغه غونډه كې چې د استاد په ياد د كندهار پوهنتون په سالون كې جوړه شوه ،لومړى د قرآنكريم څو مبارك آيتونه تلاوت شول ،
بيا د كندهار د اطلاعاتو ، فرهنگ او ځوانانو رئيس ښاغلي عبدالمجيد بابي د غونډې د پرانيستونكې وينا په ترځ كې د ارواښاد نوميالي د شخصيت په باب څرگندونې وكړې ،
ورپسې د ښاغلي فرهنگي ډاكتر طارق رشاد لخوا د ارواښاد استاد نوميالي ژوند ليك ولوستل شو ،
د استاد د مړينې له كبله د افغانستان ولسمشر ښاغلي حامد كرزي د خواشينۍ پيغام د كندهار د ولايت مرستيال ښاغلي ډاكتر همايون ولوست .
ورپسې په ترتيب د كندهار د فرهنگ او ځوانانو رياست ، د كندهار پوهنتون ، د افغانستان د علومو داكاډمې د ښاغلي عبدالهادي هاند لخوا ، د كندهار د پوهنې د رياست د كندهار دپوهنې د رئيس او د استاد شاگرد ښاغلي حيات الله رفيقي لخوا او همدارنگه د خواخوږې ټولنې د خواشينۍ پيغامونه ولوستل شول .
وروسته د ارواښاد د كورنۍ د غړو په استازيتوب ښاغلي ډاكتر شېرحسن حسن له ټولو هغو دوستانو څخه چې د جنازې په لېږد ، د تدفين او په دغه تعزيتي مراسمو كې يې زحمت گاللى دى ، د زړه له كومي مننه څرگنده كړه او د مراسمو له ټولو گډونوالو او چارواكو څخه يې د كندهار د نورو پوهانو لكه د ارواښاد علامه حبيبي او ارواښاد استاد بېنوا د هډونو د لېږدونې په نېكه چاره كې د برخې اخيستو هيله څرگنده كړه ، چې په دغسې مناسب ځاى كې د آرام سخت انتظار باسي .
دغه مراسم د يوې دعائيې په لوستو د ماښام په څلورو بجو پاى ته ورسېدل .
په كندهار كې د فاتحې مراسم سبا ورځ ( د اكتوبر په ۱۸ نيټه ) ترسره كيږي ، په نورو ځايو كې د فاتحې دمراسمو خبرتيا به وروسته خپره شي . د استاد اروا دې ښاده وي . يادونه:
|
||||||||||||||||||||||||
|
All rights reserved . |
||||||||||||||||||||||||
