|
د افغانستان د اسلامي جمهوريت
د جمهور رئيس
د خواشينۍ او ډاډ گيرنې پيغام
په ډېرې خواشينۍ سره خبر سوم چې كانديد اكادميسين محمد انور نوميالى له هيواده ليرې د هجرت په محيط كې له دې دنيا ستر گې پټې كړې دي .
انا لله وانا اليه راجعو ن
ارواښاد محمد انور نوميالى د افغانستان د علومو اكاډمۍ مشر علمي غړى او نامتو عالم و . ده خپل ژوند ټول د افغانستان د تاريخ او فرهنگي مسايلو څېړلــــــــو ته وقف كړى و ، څو خارجي ژبې يې زده وې ، ډېر اثار يې له نورو ژبو په پښتو اودري ژبو ترجمه كړل او پر خپل زيار يې د افغاني فرهنگ په بډاينه كې برخه واخيسته .
دده مړينه د هيواد علمي حلقو لپاره يوه ضايعه ده .
د خپلې خواشينۍ او ډاډگيرنې مراتب د افغانستان د علومو اكاډمۍ ، د مرحوم نوميالي كورنۍ او دوستانو ته وړاندې كوم .
الله تعالى دې وبخښي او كورنۍ ته دې جميل صبرپه نصيب سي .
آمين يا رب العالمين
حامد كرزى
د افغانستان د اسلامي جمهوريت جمهور رئيس
|
