|
يو دوستانه پيغام
د روغتيا و
ېب پاڼې
جوړونكې او چلوونكې
ډلې
ښاغلو
غړو
او همدارنگه د
هېواد ټولو ډاكترانو ، متخصصينو او طب پوهانو ته !
سلامونه ،
درناوى ، نېكې هيلې او د پاڼې د پرليكه كېدو لامله مې د زړه له كومي مباركي ومنئ
!
په دغه
كړو مو د خپلې پښتو پالنې زبات وكړ ، برى مو غواړم .
په دغه لومړي
ليك كې در څخه ، يو څو ټكو ته د پاملرنې هيله كوم .
ـــ ليكنې
بايد د معتبرو او د نړۍ د پوهنيزو كړيو او ټولنو لخوا منل شوو كره
زېرمو(منابعو، سرچينو ) څخه را اخيستل شوې او ژباړل شوې وي ، او كه زموږ د
خپلو هېوادوالو څېړنيزې ليكنې وي ، ليكوال يې بايد په ټاپي ( موضوع )
پوره پوه او د صلاحيت خاوند وي ، په بل عبارت سر له اوسه بايد دليكنو په
ټاكنه كې ځيرمن اوسو او د هر چا له خپله ځانه څخه جوړو كړو خېټيالوژيو ته
ځاى ورنكړ شي . د هر چا خپلسري ليكنو ته ان كه د خپگان سبب يې هم گرځي ، د
خپرېدو چانس ور نكړ شي .
ـــ سر له
اوسه كوښښ وشي چې د هېواد دننه او بهر مېشتو افغان پوهه او تجربه
لرونكو پوهانو ، متخصصينو او ډاكترانو ته بلنه وركړ شي چې خپلې ارزښتمنې
طبي ليكنې په كره او څرگندو ( واضحو) الفاضو او غونډلو ( جملو ) وليكي .
ـــ د پاڼې
چلوونكي دې كوښښ وكړي چې ليكنې په كره پښتو ليكدود خپرې كړي . همدارنگه
دكره طبي پښتو نومونې (
Terminology)
څخه دې داسې
كار واخيستل شي چې له پيله تر پايه او په ټولو ليكنو كې يو شان مراعات او
وكارول شي ، د ستونزو پر مهال دې له پوهو ژبپو هانو لكه ښاغلو پوهاند
ډاكتر زيار صيب ، گوهرالرحمن گوهر صيب او نورو هغو پوهگړو سره چې پدې اړوند
د تجربو څښتنان وي ، اړيكې ونيول شي .
ـــ د دې
لپاره چې د پښتو طبي نومونو او اصطلاحگانو په اړه لا ډېر كار نه دى شوى او
زموږ ډېري طبي ليكوال له ستونزو سره مخامخيږي ، ښه به وي چې په پاڼه كې د
يو پرليكه پښتو طبي ويې پانگې
(Online Pashto Medical Dictionary and Terminology )
او د
داسې شونتياوو د ځاى پر ځاى كېدو تابيا وشي چې زموږ پښتانه چارپوهان وكولاى شي د لاتين
او عربي ژبو پښتو انډولونه پاڼې ته واستولاى شي ، او د پوهانو د منلو ځخه
وروسته بيا ارويې پانگې ( اصلي او منل شوي قاموس ) ته ور ډېر شي . دا كار به د
يوې پوره طبي ويې پانگې او ترمينولوژۍ جوړولو ته ښه پروژه او وسيله شي .
ـــ كه په پاڼه كې د بحث ( فورم
Forum
) پاڼه پرانيستل شي ،
نو له يوې خوا به پاڼه ډېره په زړه پورې شي او له بل پلوه به د ډېرو
هېوادولو ساده او د ټيټې كچې پوښتنې ځواب شوې هم وي .
ـــ كه وخت په وخت يو ټاپى ( چې د هېواد موجوده او حاده طبي ربړه هم وي )
وټاكل شي او د يو كمپاين په ډول له ټولو ښاغلو طبيبانو څخه د ټاپي په
اړوند د خپلو تجربو او پوهې د رالېږلو هيله وشي ، نو بې گټې به نه وي .
ـــ د اړيكو په پاڼه كې كه د برېښناليك سربېره د اړيكو ساتلو نورې
هوبلې ( وسيلې ) لكه پستي پته ، ټليفون ، فكس او همدارنگه د پاڼې د
چلوونكو نومونه او لنډه پېژندنه كه ورډېره شي ، د ځينو ستونزو مخنيوى كولاى
شي .
اوس همدومره،
برى ، خوښي او روغتيا د ټولو لپاره .
ډاكتر جمشېد سمون
د تل افغان وېب پاڼې مـسئول چلوونكى
مسكـــــــو ـــ روسيـــــــه
د ۲۰۰۶
ز كال د اگست پينځه ويشتمه
|