www.srohi.com
وېبپاڼه پر ليكه  شوه

         د هېواد  نامتو  ژبپوه ، اديب او ليكوال  ارواښاد  كانديد اكاډميسين سر څېړنوال  محمد صديق روهي  ته  منسوب  روهي  وېب  پاڼه  پر ليكه  شوه .
         نوموړې  وېبپاڼه چې  د ارواښاد  استاد  روهي  د  مينه والو ، كندهار مېشت  (( روهي ادبي  بهير))، خوست مېشتو  فرهنگي ټولنو او همدارنگه د  ارواښاد  روهي  د كورنۍ  د غړو او مسكو  مېشت ځوان فرهنگي ډاكتر  نيك محمد ويال   په شريكو  هڅو جوړه شوې  ده ،  د پښتو  وېب پاڼو  په  كتار  كې يو ښه زياتونه ده ، هيله من  يو چې  د  ارواښاد  استاد محمد صديق روهي  د شخصيت په  معرفۍ   او  د پښتو  ادب  او كلتور   د  ځلونې په شريفانه  هڅو كې  د پام وړ گامونه پورته كړي .
          د تل افغان وېبپاڼې اداره  د نوموړې  وېبپاڼې د جوړېدو  او پرليكه كېدو له امله  د زړه له كومي خوښي څرگندوي  او ټولو  جوړونكو او ليدونكو  دوستانو  ته يې  مباركي وركوي .

پــــه درنښت
د تل افغان وېبپاڼې اداره