|
د افغانستان ملي ګوند د اجرائیه شورا اعلاميه دېرش کلنې بې ساری خونړۍ جګړې ، زمونږ د هيواد سوله ايزه لمن نيولی ده . دترهګرود ّورانوونکی جګړې اورچی اوس هم بل دی، د افغانانو ټولې مادی او معنوی شتمنۍ لولپه کړې . د سپتمبر پیښی وروسته د امریکا متحده ایالاتو په مشری ،د نا ټوسازمان دنظامی عمل په پایله کی پاکستان یو ځل بیا دترهگرو په ځاله بدل شو . سره ددی چه پاکستان د څو مياشتو په موده کې وکولای شول چې د سؤلې او ثبات لپاره د افغانانو او نړيوالې ټولنې ګډې هڅې د القاعدې ، د افغانی او پاکستانی ترهگرو تروريستی ډلو پواسطه وننګوی ، او په خبرو کې تل په دوه مخۍ سره ځان د نړيوالې ټولنې متحد او ملګری وښيی . پاکستانی واکمنانو په بې شرمۍ سره ، په پاکستان کې د القاعدې او نورو ترهگرو د مرکزونو له شتون څخه انکار کاوه ، خو د اسامه بن لادن وژل کيدو د پاکستان له دوه مخۍ څخه په رسوايۍ سره پرده پورته کړه . دادې لس کاله کيږی چې د افغانانو او نړيوالې ټولنې د هڅو پر خلاف د جنګ او ناامنۍ لمن ورځ تر بلې پراخيږی . مونږ د خپل هيواد او خلکو په وړاندې د مسؤليت د احساس له مخې په ډاګه وايو چې په افغان دولت کې د شتمنيو او واک پر سر خپل منځی سيالۍ له يوې خوا او د پاکستان په وړاندې د بنسټ پالنې او تروريسم د روزونکی ، ساتونکی او ملاتړی په توګه د بين المللی ټولنې اغماض له بلې خوا د جګړې او ناامنۍ د اوږديدو او پراخيدو لاملونه دی . د شرارت اصلی مرکز پاکستان او په ځانګړی توګه د آی اس آی څارګره شيطانی شبکه په افغانستان کې د جګړې اور او په سيمه کې ترينګلتيا ته لمن وهی . وېره اچوونکی بريدګرې ډلې نه يواځې د آی اس آی سره نېغ په نیغه تړاؤ لری ، بلکې د دې شبکې د مربيانو او آی اس آی لخوا د جوړشوو پلانونو سره سم تروريستی او ورانوونکی فعاليتونه سرته رسوی . له دې امله مونږ د افغان دولت له هغه تکل څخه چې د سؤلې خبرې آترې د ترهگرو د مربيانو (پاکستانی دولت ) سره طرح کوی تائیدواوپه په نړيواله ټولنه غږ کووچې : که غواړۍ زمونږ په جګړه ځپلی هيواد او سيمه کې ستاسو د سؤلې ماموريت مثبتې پايلې ولری ، نو دجګړې د ستونزې د حل لاره یواځی د پاکستان له دوه مخو واکمنانو سره ده. .مونږ د پاکستان دشؤوينيستو او جګړه غوښتونکو واکمنانو له خوا زمونږ د هيواد پر مقدس حريم پرله پسی بربنډ نظامی تېرۍ ، د کونړ ، ننګرهار او نورستان د سرحدی سيمو په ملکی بيګناه وګړو باندې بريدونه محکوموو او هغه د بن لادن د مرګ او پر تروريستی شبکو د بريدونو غچ بولو . مونږ د آی اس آی دوزخی سازمان داډول کړنی چه اوس ئی سرته رسوی ، زمونږ د هيواد او سيمې د سؤلې او ثبات لپاره مرګونۍ ګواښ بولو .همدارنګه مونږ د نړۍ ټولو سوله غوښتونکو هيوادونواو بشريت ته بلنه ورکوو، تر څو د سيمه ايزې او نړيوالې سؤلې او امن د تأمين لپاره د افغانانو سره يو ځای د شرارت د شيطانی مرکزونو ، ورانوونکو فعاليتونو ته ، په ګډو انساندوستانه هڅو سره د پای ټکی کيږدی . تل دې وی سؤله ، ژوندې دې وی افغانستان د افغانستان ملي ګوند اجرائيه شورا |