|
٢٦/٠٣/٢٠١٠
په روسيه كې د پښتو پوه پروفيسوركانستانتين په هغه غونډه کې چې نن د استاد لېبېدف د نوي کلنۍ د نمانځنې لپاره په روسيه کې د افغانستان لوی سفير ښاغلي زلمي عزيز، د روسيې د ديپلوماتيکو او علمي کړيو استازو، د استاد شاګردانو او ګڼ شمېر افغانانو په ګډون د مسکو دولتي پوهنتون د اسيا ــ افريقا انستيتوت په يو تالار کې نيول شوې وه ، د استاد لېبېدېف د شخصيت او پښتو ژبې ته د نوموړي پوهاند د څه کم اويا کلن خدمت او له ١١٠ څخه ډېرو اثارو په اړوند ويناوې وشوې ، او د مينه والو له خوا د استاد په اړه د خاطرو يادونه وشوه. په غونډه کې د روسيې د بېلابېلو دولتي مقاماتو ، د افغانستان لوی سفير او د غونډې د نورو ګډونوالو لخوا استاد ته ستاينليکونه ، ليکلي پيغامونه ، سوغاتونه او د ګلانو ګېډۍ ورکړل شوې او استاد ته د خوښۍ ، ښې روغتيا ، اوږد عمر او لاډېر خدمت هيلې وړاندې شوې . همدارنګه په غونډه کې پر ګډونوالو د استاد لېبېدېف د نوي کلنۍ لپاره د هغه د مينه والو او د افغانستان د علمي ـ اجتماعي بنسټونو، علمي شخصيتونو او مينه والو پيغامونو ته ځانګړې او چاپ شوې ګڼه وويشل شوه . |