دعوت پر له پسې ٢٣٠ مه ګڼه خپره او له چاپه راووته

د دعوت د ملي او خپلواکې پښتو خپرونې وروستۍ پرله پسې ۲۳۰مه ګڼه په ۳۲ مخونو کې چاپ او خپره شوه چې په لاندې سرلېکنو ښکلې شوې ده.

·         د خښتې پرېمنځل، د افغانستان د جوړونې بهرنۍ نسخه -  ډاکتر محمد فريد بزګر

·         استاد تره کي د ددعوت د ادارې سره په مهمه  او  هراړخيزه تفصيلي مرکه کې: په خواشينۍ سره بايد ووايو چې پښتانه د خپل نن او پرون سياسي مشرتابه د ګناهونو کفاره کورنيو او بهرنيو دښمنانو ته ورکوي

·         افغانستان کې بېلتون پالنه )وروستۍ برخه(  - غلام جيلاني ځواک

·         کتاب: افغانستان : رښتيا پلټنه د امريکايي لوړنومي ليکوال بروس ريچارډسن د دروند قلم ملغلرې چې د شمالي ټلوالې د مشر احمد شاه مسعود په اړه پکې ډېر اسناد بربنډ شوي او د دغې ډلې اصلي څېره يې د اسناد او کره ثبوتونو په رڼا کې لوڅه کړې ده. دا خورا تاريخې مهم کتاب  ښاغلي رحمت اريا پښتو ته ژباړلی او د دعوت د خپلواکو رسنيو د مرکز له خوا چاپ او خپور شوی دی. مينه وال يې د دعوت د ادارې نه اخيستی شي.

·         ايران در تلاش دستيابي به غنايم سياسي جنګ ضد شوروي در افغانستان )کانفرانس سه جانبه( قسمت دوم  -  دوکتور م، ع، روستار تره کي

·         د وژلو ټيم امريکايي وژونکې ډله د عکسونو او تشريح سره. چې لومړی الماني مجلې شپېګل او بيا امريکايي مجلې  رولنګ سټون خپاره کړي وو چې اوس دعوت لومړنۍ افغاني خپرونه ده چې دا ټول عکسونه او د بيګناه افغانانو د وژنو پوره داستان خپروي. )د لومړي ځل له پاره(

 انګليسي برخه:

·         Partition: Socio/Politico Engineering, Induced Dispossession - by Bruce G. Richardson

·         The Kill Team - How U.S. soldiers in Afghanistan murdered innocent civilains and mutilated their corpses – and how their officers faild to stop them. Plus: An exclusive look at the war crime photos censored by the Pentagon

·         The Kill Team Pictures….

د سرليکنې پر ځای    

پښتو، پښتانه او د مسئوليت احساس

پښتانه د سيمې تر ټولو لوی او لرغونی قوم دی چې لويه برخه يې په نني افغانستان او پښتونستان يا په لوی افغانستان کې مېشت دي.

خو د دې سره چې دا د سيمې تر ټولو لوی قوم دی خو بيا هم د ډول ډول ستونزو سره مخ دی چې دا ستونزې د ژبني هويت، ژبنې محکوميت او حتی تر عام وژنې پورې رسيږی.

د پښتون ژبه، محکومه او خپله پښتون هم محکوم او د واکه بېواکه دي.

پښتون هم اور بلونکي دي او هم د اور لرګي، هم ترهګر دي او د ترهګرو قربانې

خبره به نه اوږدوم په دې خو ټول پوه او يوه خوله يو چې پښتانه د تاريخ په دې حساسه مرحله کې د يو ستر ازميښت سره مخ دي. څه بايد وکړو؟

ښاغلی سربلند خان يو څه ستونزو اسانه حل په دې ډول په ګوته کوي:

-که په افغانستان کې پښتانه د يو بل مخې ته ونه درېږي نو د پښتنو په وړاندې شته ستونزې به نه وي او نه به په راتلونکي کې را پيدا شي.
- پښتنو ته په کار ده چې چېرته وي هلته په خپلو منځونو او له هر چا سره چې مخامخ کېږي په پښتو ژبه خبرې وکړي. ډېر داسې پښتانه شته چې په کابل ښار، مزار شريف، کندوز، تخار، بغلان، هرات، فراه او نورو ولايتونو کې چې کله هم له چا سره مخامخ کېږي نو بيا په نورو ژبو باندې غږېږي. دوي باندي چا زور راوړى چې خپله ژبه پرېږدي او په نورو ببولالو سر شي؟.
- په دفترونو کې پښتانه لومړى په بله ژبه پيل کوي چې دغه يې ډېره ستره کمزوري ده. د افغانستان د نافذ قانون له مخې پښتو ژبه يوه رسمي ژبه ده نو پښتانه بايد په خپله ژبه رسمي مکتوبونه، ليکونه او نور اسناد برابر کړي. ددوي په وړاندې هيڅ کوم قانوني خنډ نشته يواځې د دوي جرئت او زړورتيا ته اړتيا ده.
-که پښتون په خپله ژبه ليکل وکړي او خپل ټول ليکونه، بلن ليکونه او نور اسناد په پښتو وليکي نو په دې صورت کې به د پښتون شتون او هويت په ټولنه او په تېره بيا په دې سيمه کې وځلېږي. که پښتانه نورو ته لاس تر زنې کښيني نو هغوى به يې هيڅکله هم وړاندې تګ تر پرېنږدي په نورو خو هسې هم پښتو ښه نه لګېږي.

 د دعوت پوستي پته:

Dawat,

P.O.Box 289, 2001 Lillestrom, Norway

 tel. +47-63844384  mobil. +47-90856195

د دعوت د برېښناليک پته:

dawatmedia@gmail.com

د دعوت د انترنت پته:

www.dawat.no

 يادونه: په خپل ګډون سره د عوت هميشني لوستونکي شئ.

خپله د ګډون ونډه د پوست او هم د بانک د لارې د دعوت په پته راليږلی شئ

د دعوت بله ګڼه د چاپ لاندې ده.

 ^{په پښتونخوا کې د دعوت مينه وال د پيښور په خيبر بازار  کې د مکتبه سرحد نه کولای شي  دعوت لاس ته راوړي.}