فلسفي شاعرخان عبدالغنــي خان

 

عشــــــــــــــــــق

سوز نه دى عشق ساز نه دى عشق، اه او ګريان نه دى عشق
مسته رنګيني دا نه ده، غم د جانان نه دى عشــــــــــــــــــــــــق

خوب د ځوانۍ نه دى، د خوبونو ارمان نه دى عشـــــــــــــــق
مينه د مليار د سترګو، وخت د خزان نه دى عشــــــــــــــــــق

تور تش د تيارې ډك، د تيارو بيابان نه دى عشــــــــــــــــــــق
مست د اوميدونو، يو درياب روان نه دى عشـــــــــــــــــــــق

سترګو كې كه راشي د شفق سره  د خمـــــــــــــــــــــــــــــــــــار
عقل له كه راشي د سپوږمۍ د رڼا تـــــــــــــــــــــــــــــــــــــــــار
دې مستانه زړه له يوه حوره د تاتــــــــــــــــــــــــــــــــــــــــــــــــار

دا د مستۍ حد دى او د حد بنديوان نه دى عشـــــــــــــــــق
مسته رنګيني دا نه ده، غم د جانان نه دى عشـــــــــــــــــــق

عشق يو وجد د رب دى په وجدونو د انسان كـــــــــــــــــې
يو دمينې ساز د زړه په سوي قبرستان كـــــــــــــــــــــــــــــې
روح د ړوكي ګل د سپرلي سترګو د خزان كــــــــــــــــــــــې

مرګ عشق ته حيران دى خو مرګي ته حيران نه دى عشـق
خوب د ځوانۍ نه دى د خوبونو ارمان نه دى عشــــــــــــق

٭٭٭٭٭٭٭٭٭٭٭٭٭

ما ليدلي د فرنګ ښكلي جيــــــــــــــــــــــــــــــــــزونه

چې د لاندې ترې غورځنګ وهي سيــــــــــــــندونه

ما ليدلي محلونه د لـــــــــــــــــــــــــــــــــــــــــــــندن دي

جينكۍ مستې ازادې ګلـــــــــــــــــــــــــــــــــــبدن دي

ما ليدلي د اټلي ښايسته ښــــــــــــــــــــــــــــــــــارونه

سره يې انګور، سره يې شراب او ســـــــــره ګلونه

ما ليدلي د پيرس ښاپيرۍ ښـــــــــــــــــــــــــــــــكلي

په كردار ګفتار خوږې لكه بلـــــــــــــــــــــــــــــــــبلې

ما ليدلي امريكا كې دي ښــــــــــــــــــــــــــــــــــارونه

چې وريځو ته يې رسي مكـــــــــــــــــــــــــــــــــــانونه

ما ليدلي تاج محل غوټۍ د ګــــــــــــــــــــــــــــــــــلو

د ډهلي ښكلي ښارونه د مغــــــــــــــــــــــــــــــــــــــلو

خو چې ووينم زه خپل د خټــــــــــــــــــــــــــــــــــوكور

رانه هېر شي محلونه ښايستـــــــــــــــــــــــــــــــه نور

دا نرۍ تنګې كوڅې زما د كــــــــــــــــــــــــــــــــــــلي

ورته څه دي د دنيا ښــــــــــــــــــــــــــــــــــــــارونه نور

٭٭٭٭٭٭٭٭٭٭٭٭٭