|
ښکلا مایار shkala.mayar@gmail.com
په کابل کې د آريانا تلويزيون خپله څېره بربنډه کړه
که د آریانا تلویزیون د ۱۳۸۶ د سنبلې د میاشتې هغو پروګرامونو او مرکو ته نظر واچوو چې دافغانستان د ملي خاین او د نظار د شوری د وژل شوي مشر احمد شاه مسعود د هلاکت شپږمې کالیزې ته یې وقف کړې وو نو له ورایه ښکاري چې په کابل کې د آریانا تلویزیون مشرتابه پلاوی څوک دي او د کومې موخې لپاره په هیواد یې دومره ډنډورو ته ځان وقف کړی وو؟ د آریانا د تلویزیون د خپرونو په هکله په لومړي سر کې داسې فکر کیده چې دوی د هیواد هغه طبقه خلک دي چې له ناروا تعصب او نژاد پالنې څخه کرکه لري او د حقیقي افغانانو په توګه خپلو فعالیتونو ته دوام ورکوي. خو د وخت په تیریدو سره ورو ورو څرګنده شوه چې خبره داسې نه ده بلکي دوی هم د طلوع په څیر د پردیو د کلتور پالونکي او یوازې د دري ژبې د ویونکو او بیا په ځانګړې توګه د شمالي لنډغرو خاطر ساتلو ته ملا تړلې او د دې لپاره یې په لومړي سر کې ځینې نمایشي کارونه کول چې په ټولنه کې خپل اعتبار پوخ کړي. که په کابل کې آریانا تلویزیون په خپلو خپرونو کې د افغانستان د ملي ژبو انډول په پام کې و نه نیسي او د شمالي ټلوالې، جنګ سالارانو او د هیواد له ورانوونکو له ناروا طلسم څخه ځان آزاد نه کړي نو ډیر ژر به هغه اعتبار له لاسه ورکړي چې د خپلو ځینو ګټورو پروګرامونو د خپراوي په وسیله یې تر لاسه کړی وو. و ما علینا الی البلاغ
|