درانه لوستونكي به خبر  وي چې د روان ۲۰۰۵ زيږديز كال  د اگست په نهمه نيټه  د  نړۍ د كمپيوټر د پروگرام جوړولو تر ټولو سترې  موسسې Microsoft     پښتو ژبه د لومړي ځل لپاره  چليز سيستم     Windows  ته ورزياته كړه  او د   Windows XP  Service  Pack 2   لپاره يې  نوى ــ بشپړوونكى فايل ( Update  file)   د انتر نټ د نړيوال جال له لارې  مينه والو ته وړاندې كړ  او د دغه  موسسې  راتلونكي چليز سيستم  (Windows  vista)  كې به هم شته  (موجوده) وي .
     د نوموړې خوښۍ خبر  تل افغان وېبپاڼې  په خپل وخت  او چټكۍ  خپور  او تر وسه يې   د ډيري  نورو پښتو وېبپاڼو وېبواكمنان   ، نور افغان روڼ اندي  او د نظر خاوندان  په دغه خوښۍ كې شريك كړل  چې ډېرو دوستانو بيا د برېښناليكونو او ټيليفونونو له لارې  د خوښۍ او نېكو هيلو په څرگندولو  ونازولو .
      د دې لپاره چې د دغې  ورځې دخوښۍ ياد   تلپاتى وي  او هم د دې لپاره چې  د نورو پروگرامونو د پښتو كولو لپاره  كمپيوټرپوهان  وهڅول شي ، د دوۍ  د نوښتونو  قدر او  درناوى وشي  او دغه  راز هڅې  يې  دوام ومومي    تر څو پښتو  د كمپيوټر پروگرامونو  لپاره ((اشنا))   ژبه  وگرځي ،  د كار د  ټولو  ( محاسبې، انجنيرۍ ، طب ، قاموسونو ، ډيزاين ، چاپ او نورو )  ساحو لپاره  مستقل  پر مختللي  او نوي پروگرامونه  جوړ كړي   ، د ښكلي چاپ  لپاره  بېلابېلو پروگرامونو ته  نورې ښكلې ليكبڼې  (Fonts) جوړې كړي  ؛   وموپتيله  او همدارنگه د ډېرو حقدارو مشرانو مشوره هم دا وه  چې  د اگست د مياشت نهمه نيټه  د  ((پښتو كمپيوټر ))  يا (( پښتو وينډوز ))  نومونې په اړوند تاسې درنو لوستونكو ته  وړانديز  وكړو  تر څو ستاسې د رضايت  او خوښۍ په صورت كې په دولتي  كچه  دغه ورځ   ( د  اگست نهمه )  په  ((پښتو كمپيوټر ))  يا (( پښتو وينډوز ))   ونومول شي .
        پدې اړوند ستاسې   هر ډول   ( تائيــــدي ، مخــالف او بشپـــړوونــــكـي ) نظر ته سترگې په لار يو .
       خپل نظر  په لاندينۍ  پتې   د برېښناليك  له لارې  رالېږلاى او يا هم د ټيليفون او فكس  له لارې   شريكولاى شئ .
 

 په پښتنــــــــــــې مينـــې او در نښــــت
د تـــــــل افغـــان وېبـــــپاڼې اداره
۲۰  -  ۸- ۲۰۰۵