د تــل افغــــــان  بلنـــــــــــه

    د لــــــــــــوى او بخښــــــونكـــي څښتــــــن( ج ) په نامــه :
     هغــو هېـــوادونو چـې وگــړو يې خپلــوملــي گټـــو ته په درنــو سترگـــو كتلـــي دي ، نېكمــــرغيو  ته  د رسېـــدو لارې يـــې په ډېرې چټكتــــــيا وهلې دي . د ملــــــــي گټـــــــــو خبــــره د  ملـــــــي يــــــــووالى په  شتــــون كــــې كېــــداى شي .
      په هېــــواد كــې  د وروستېـو لسيـــزو  له پېښو څخه له  راپېښو مادي او مانيزو ناورينونو او ناتارونو څخه  د  وتو  او  د يـــو خپلـــــواك ، سرلــــوړي ، سيـــال  او د پرمختللــــــي اقتصــــادي نظـــــام درلودونكــــــي  هېـــــواد افغانســــتان د  درلــودلــو لپـاره  ، افغــــــان ولس  له بل هر وخت څخـــه اوس او له  بل هرڅــــه  څخــــه  زيـات  ملـي يووالــــي ته  اړ دى ، ملـي يـــووالـى هېڅــوخت  په ډېركيــــــانو كـــې د لږكيو د انحــــــــــلال په مانــا نــه دى ، ملــي يــووالـى  په يـوه هېــواد كـې د مېشتـو وگــړو تر منـځ  د ورورۍ  ،  باور  او  نيــاو  بل نـوم دى  او  د دغه هېـــــواد  ملي گټــې تضمينـــوي  . 
      ټولنيز نياو يا اجتماعي عدالت او  ولسواكي زموږ دټولنې نورې غوښتنې دي  . زموږ په اند ديموكراسي د هر چا لخوا د  هر  روا او نا روا  كار د كولو اجازې ته نه وايـــــــي  ، بلكې ولسواكي دحكومتونو لخوا د يوه هېواد  پر  ولــــــــس د هاغه بنسټيز  يا  اساسي قانون   د ټولو مندرجو  موادو  له استثنا  پرته  عملي  كولو ته  وايي  چې  د هغه هېواد  ولس   په  مستقيم  ډول  پخپله   او  يا  په  غير  مستقيمه توگه د  خپلو  ريښتينو  ټاكلو  استازو  لخوا  د  ټولنې  د  واقيعتونو او ارزښتونو  په  پام كې لرلو سره تصويب كړى وي . د ولــس حكومت كولو ته ولسواكي وايي ، نه پر ولس  حكومــت كولو ته . ټولنيز نياو د پخـــې ولسواكۍ پايله  ده . ټولنيز  نياو  او  ولسواكي  د يو بل زېږوونكي  او زېږېدونكي توكي دي . له ولسواكۍ ټولنيز عدالت منځته راځي او ټولنيز نياو  ولسواكي  پخوي   .
      نو راځــــئ  كه وينا كوو ،كه  ليكنــه كــوو، كه شعــر وايو، كه سيــاست كـوو ؛ خپلــه  ټوله پوهـــــــه ،  استعـــداد ، ځـــواك او هڅې د ملي يـوالي د  جــــوړونـكو  توكــو ياعنـاصرو  پـه روزنه او پالنــه كې وكـاروو   او هغــــوۍ  ته  چـــې يا په نا پــــوهۍ او يا د نــــورو په لمســــون زمـــوږ  د ملـــــي يــــــوالي او ملــــــي گټـــــو دښمنـــــان  دي  ، ځــــواب وركونــــــكي واوســو .

      په درنښت
د تل افغـــان وېب سايټ   مسئـــول چلونـكى